Supremo

Sa taong ito, ipinagdiriwang natin ang ika-isang daan at limampung taon ng kaarawan ni Gat Andres Bonifacio, ang Ama ng Himagsikang Pilipino. Siya ang nanguna sa pagtatatag ng Kataas-taasan, Kagalang-galangang Katipunan ng mga Anak ng Bayan, o mas kilala bilang KKK. Ito ang kauna-unahang kilusan sa Asya-Pasipiko na nag-alsa at lumaban sa mga kolonyalistang Europeo.

Si Bonifacio ay isang anakpawis, isang manggagawa. Totoo sa teoryang pulitikal na ang mga proletaryo ang pinaka-abanteng hanay sa lipunan, siya at ang mga kauring rebolusyonaryo ang nanguna na maglayon na palayain ang sambayanan mula sa mga dayuhang mananakop at makapagtatag ng nagsasariling estado ang Pilipinas. Ito ay taliwas sa adhikain ng mga repormista na maging isang probinsya ng Espanya ang Pilipinas sa maling pag-aakala na magiging pantay at makatao ang turing sa atin ng mga Kastila sakaling mangyari nga ito.

Artistic depiciton of Ka Andres Bonifacio. Illustration by Kenneth Garcia

Ngunit dahil sa laganap at matinding pagsasamantala ng mga kolonyalista, napanday ang isang makabayan at militanteng kaisipan sa mga naaping Pilipino. Pinagbigkis ni Gat Andres Bonifacio, kinilala bilang Supremo, ang taumbayan sa pamamagitan ng lihim na pagpaparami sa kasapian ng Katipunan. Ito ang unang pagkakataon na nagkaroon ng pambansang kamalayan ang Pilipinas. Tinangkilik ng masang Pilipino ang rebolusyon, hanggang sa humantong na nga ito sa lantarang paglaban sa mga dayuhan. Noong Agosto 1896, sabay-sabay na nagpunit ng cedula ang mga rebolusyonaryo, tanda ng paghihimagsik laban sa mga kolonyalista. Inaalala natin ito sa kasaysayan bilang ang Sigaw sa Pugadlawin.

Noong panahon ni Supremo, ang nagtulak sa mga Pilipino upang magrebolusyon ay ang talamak na pagkaganid at pang-aabuso ng mga dayuhang panginoon: Laganap ang pangangamkam ng lupa at iba pang ari-arian, ang panghahalay at pambabastos sa kababaihan, at pang-aapi sa nakararaming masang Pilipino. Bukod pa rito, kinukubabawan at dinidiktahan ng mga kolonyalista ang pulitika, ekonomiya, edukasyon, kultura at iba pang mga aspeto ng pambansang pamumuhay. Ang pinakamasakit ay ang katotohanang noon pa man ay mayroon nang mga Pilipinong taksil na kayang apakan at yurakan ang karapatan at kapakanan ng kanilang mga kababayan para lamang makasalo sa karangyaan at kariwasaang tinatamasa ng mga naghaharing-uri.

Ngayon, isandaan at labimpitong taon makalipas ang Sigaw sa Pugadlawin, nananatili pa rin ang pagsasamantala at kabulukan sa ating lipunan. Nagpapatuloy ang pandarambong ng burukrasya sa kaban ng bayan at ang paghahari ng mga local at dayuhang kapitalista sa merkadong Pilipino; sa kabilang banda, patuloy na nayuyurakan ang karapatan ng mga ordinaryong mamayan, wala pa ring tunay na industriyalisasyon, at walang tunay na reporma sa lupa para sa magsasaka.

Maaring maraming taon na ang lumipas, ngunit hindi pa rin para sa tunay na katarungan at kalayaan. Hanggang ngayon, umaalingawngaw ang Sigaw sa Pugadlawin. Dan Kevin Roque

Masaker

Apat na taon na ang nakalipas mula nang maganap ang isa sa pinaka-madugong kaganapan sa kasaysayan ng pamamahayag sa Pilipinas – ang Maguidanao Massacre sa Maguindanao. Nasa limampu’t walong tao ang naging biktima ng pagpatay, kabilang rito ang tatlumpu’t dalawang mga mamamahayag na nasa linya ng trabaho at dalawang babaeng buntis.

Artistic depiction of the Maguindanao Massacre. Illustration by Kenneth Garcia

Hindi nag-iisa ang Maguidanao Massacre sa madudugong pangyayari sa bansa. Sa buwang ito rin ay inaalala natin ang ika-siyam na taon ng Hacienda Luisita Massacre sa Tarlac. Ang Hacienda Luisita ay isang korporasyon, at isa sa mga nagmamay-ari nito ay ang ating Pangulong Benigno Simeon C. Aquino III at ang kanyang pamilya. Tinawag nga ng College Editors Guild of the Philippines-NCR (CEGP-NCR) ang Nobyembre bilang buwan ng mga masaker s aisang facebook post.

Bilang isang demokratikong bansa, nasasagkaan ang karapatan ng mga mamamayan sa pamamagitan ng pasismo ng gobyerno – karapatan sa lupa, karapatan sa malayang pamamahayag, karapatan sa buhay. Mas nakakatakot ang ganitong sitwasyon ng bansa kaysa anupamang Halloween costume.

Apat na taon na ang Maguidanao Massacre. Magagaya ba ito sa Hacienda Luisita Massacre na aabutin na ng isang dekada? O sa napakarami pang mga paglabag sa karapatang pantao noong martial law na hanggang ngayon ay wala pa ring malinaw na tunguhin at resolusyon ang kaso?

Kami bilang mga mamamahayag pang-kampus ay patuloy na inaalala at tinatanganan ang ganitong mga isyu bago pa man ito tuluyang mabaon sa limot at mawala sa kamalayan ng sambayanang Pilipino.

Ang kultura ng pagsasawalang-bahala ay laganap sa ating bansa. Kaya naman patuloy na dumarami ang bilang ng mga biktima ng extra-judicial killings at enforced disappearances. Ayon sa Karapatan, isang Human Rights group, may naitalang 158 na kaso ng extrajudicial killings at 18 na enforced disappearances sa loob ng panahon ng panunugkulan ni Pangulong Aquino (July 2010 – August 2013).^[1] Ito ay isang nakakaalarmang katotohanan na dapat agarang matugunan ng estado. Ngunit ano ang nagiging sagot ng estado at ng gobyerno sa ganitong kalagayan? Ang mabagal at dekadenteng proseso ng batas.

Marahil, hindi natin ito alintana sa araw-araw nating pamumuhay: mula sa paggising sa isang ligtas na tahanan hanggang pagpasok sa eskuwelahan at pag-uwi. Ngunit ang mga biktima ng mga paglabag sa karapatang pantao na ito ay hindi simpleng bilang o numero lamang. Sila ay mga tao – ama, ina, anak, kapatid. May mga pamilya silang naiwan na hanggang ngayon ay naghahanap ng katarungan.

Ang mga pamilya ng mga biktima ay maaaring maipinta bilang mga radikal, ngunit masasabi bang kasalanan nila na sila ay nawalan ng mahal sa buhay? Walang nagnanais mawalan ng asawa, magulang, anak, kapatid, kaibigan, kasama. Ang tunay na salarin sa pagkakataong ito ay ang kultura ng pagsasawalang-bahala, ang kulturang tila nanghihikayat pa sa paglabag sa karapatan ng mga mamamayan kaysa sa pagtatanggol nito.

Isang hamon ang iniiwan naming mga mamamahayag ng kampus, hindi lamang sa pamahalaan kundi maging sa mainstream media at sa taumbayan: itigil ang kultura ng pagsasawalang-bahala! VP 

[1] Karapatan Monitor 2013 Issue 2, Table 1

Sa Liwanag

Sa Liwanag

Abril Layad Ayroso

Ilang toneladang lupa nga ba ang magbabaon

     sa mga pahina ng pahayagan?

Ilang buhay nga ba ang kanilang kayang utasin,

     at mawawala ng hindi

     napapansin?

Saksi ang buwan sa madugong paghalay

     ng mga gahaman sa dalagang karapatan.

Inaakala yata nila na ang karuwaga’y

     humihigit sa ating paninindigan.

Oo, lumilipas ang panahon.

Oo, madilim ang kalangitan; subalit tayo’y

    hindi titigil, tayo’y

    hindi papipigil

sa pagsulat at pagmulat ng mamamayan

     sa liwanag ng buwan, at

     sa liwanag ng sulo.

Piggy Bank

Ginulantang tayong lahat ng pinakamalaking isyu na sumampal sa lipunang Pilipino ngayong  taon, ang isyu ng Pork Barrel System at kung paano ito kinukurakot ng mga pulitiko. Napakaraming Pilipino ang nag-react sa isyung ito, ngunit ano nga ba ang Pork Barrel System? Para saan ba at ano nga ba ang mga silbi nito?

PORK BARREL by Jezzamine Garcia

Ang Gobyerno ng Pilipinas ay nahahati sa tatlo: Ehekutibo na pinamumunuan ng Pangulo, Lehislatura na binubuo ng Senate of the Philippines at House of Representatives, mas kilala sila sa tawag na mga Senador at Congressman, at ang huli ay ang Hudikatura na binubuo naman ng mga hukom. Bawat departamento ay may kanya-kanyang trabaho, ngunit dahil ang ating topic ay tungkol sa Pork Barrel, ang ating tatalakayin ay ang mga espisipikong kapangyarihan ng Lehislatibo at Ehekutibo na syang may malaking kinalaman sa pagbuo at pag-gastos ng Pork Barrel.

Taon taon ang ating Pangulo ay nagpapasa ng National Budget o General Appropriations Act (GAA), na s’yang nagtatalaga nang perang dapat gastusin ng gobyerno ng Pilipinas para sa naturang taon. Ang GAA ay sinusuri ng Lehislatura. Ang pagsusuri ay ginagawa upang malaman kung tama ang pag-a-allocate ng pangulo ng pera mula sa kaban ng bayan. Pagkayari ng pagsusuri ay ilalabas ang mga pondong ito sa pamamagitan ng Lump-sum appropriations, (paglalabas ng pondo ng hindi naka-itemize o nakatakda kung saan gagamitin) at ibibigay sa iba’t-ibang departamento. Ang mga departamento naman ang magde-desisyon kung paano nila ito gagastusin, na syang nagbibigay ng katangian disretionary sa ‘pork’. Ang Ehekutibo at Lehislatura ang may pinakamalalaking pork barrel na natatanggap taun-taon.

Ang isa sa pinag-uusapan ngayon ay ang Congressional pork barrel o ang Priority Development Assistance Fund (PDAF). Bawat senador ay nakakatanggap ng Php200 Million para sa kanyang pork barrel at Php70 Million naman para sa mga kinatawan. Ang milyon-milyong pisong ito ay mga perang dapat na gastusin sa kanilang constituencies o mga nasasakupan. Ngunit dahil sa anyo ng ‘pork’, ito ay madaling napapaikot at nananakaw. Bilyung-bilyon piso ang nawawala sa kaban ng bayan kada taon dahil naibubulsa lang ng mga kongresista. Hindi pa ‘yan ang pinakamalaking rebelasyon na dapat nating malaman. Ang PDAF ay walang sinabi sa Presidential Pork Barrel.

Barya lamang ito kung tutuusin. Kaya kung ikaw ay galit sa mga senador at congressmen  baka mas lalong uminit ang ulo mo pag nalaman mo na ang executive pork ay umaabot ng Php500 billion hanggang Php1.3 trillion. Ang ‘pork’ na ito ay dapat ginagamit sa mga bagay na gustong pagtuunang pansin ng Pangulo, pero nakapanlulumong isipin na ang pondong ito ay naitatago sa mata ng publiko. Halos imposibleng i-audit ang pondong ito sapagkat karamihan dito ay nakapaloob sa pondo ng mga departamento. Kakatwa na mayroong pondo militar na nakapaloob sa budget para sa edukasyon at kalusugan na naitatago sa pamamagitan ng maligoy na pagpapangalan.

Sa disenyo, mapapansin na ang pork barrel ay bukas sa korapsyon at medaling maabuso ng mga pulitikong nais magpayaman. Dahil dito, kami sa Viewpoint ay naniniwala na oras na para alisin ang dekadenteng sistemang ito sa bansa. VP

VP’s PEN Workshop opens new frontiers

“This is truly a breakthrough for the publication, a breakthrough activity,” quipped Aian Perucho, a Philippine Collegian alumnus and one of the guest speakers for The PEN Workshop, when asked what he can say about the activity. The said event is organized by Viewpoint with the help of College Editors Guild of the Philippines (CEGP) in the vision of providing relevant journalism skills and creative writing training for the staffers of the publication and to Araullians interested in the same field.

Delivering the News

Last September 14, the Data Gathering, Interviewing, and News Writing seminar took place, where the participants were given the opportunity to learn through the activities incorporated such as the mock interview and a critique of their work. CEGP National Secretary General Marc Lino Abila annd CEGP-Central Luzon Deputy Secretary General Jerome Estavillo acted as speakers for the said event, providing insight on the tasks of the journalists.

A PEN for the Society

For the second wave of the training held last September 21, Viewpoint collaborated with Kabataan Partylist (KPL) National Coordinator Mark Troy Oliva who encouraged the participants to write about the society as he discussed the economic and educational condition of the Philippines.

Highlighting Literature

As its swan song exit, The PEN Workshop conducted the last wave of trainings this September 28, focusing on Creative Writing and Literary Criticism. CEGP's Education Officer Jian Carlo Gomez and Viewpoint’s Editor-in-Chief Dan Kevin Roque sat down for the analysis of the literary pieces of the participants.

New Frontiers

All in all, 144 Araullians expressed their interest in joining the said workshop. “As the Filipino Youth, we must read and write. We must study the society so that we understand our objective situation,” Abila said in the vernacular when asked to give a message to the participants of the workshop. Mary Joyce Jopson

You're Dismissed

“A PEN Student’s words carry weight. He is honest, trustworthy, and has consistency in words and actions.” – Integrity, PEN Values, the PEN Student Handbook Tertiary Level

illustration by Melanilene Balot 

It is examinations season once again, and we students must face tons of schoolwork. To top all this off, there is once again the threat to succumbing to the temptation of every student’s ancient frenemy – cheating.

Understandably, students are distressed by the fact that they must study for practically all their subjects at the same time. It doesn’t help that deadlines for projects, group works, and other academic requirements fall on the same date. Yet, this is no excuse to resort to such devious measures.

Most of the students do not realize the gravity of their actions. Moreover, the lax attitude of the school personnel and the teachers themselves only serve to aggravate this matter. In fact, the whole community’s outlook serves to make the campus a potential breeding ground of cheaters. We do not want this to happen to our Araullo, beloved.

On the other hand, the PHINMA Education Network formulated the PEN Values to guide their students in their day-to-day actions and interactions. These values are Integrity, Professionalism, Commitment, Competence, Teamwork, and Innovativeness. Ironically, some students fail to comply with the very first value.

The List of Offenses and Corresponding Categories (p. 17-19, PEN Student Handbook Tertiary Level) provides very harsh punishments to those who breach the school standard for Academic Integrity.

For Plagiarism, (1.1) or the use of published information without providing proper recognition to the original author, is punishable with outright dismissal or expulsion on the first offense. For Cheating on Any Graded Work, (1.2) the first offense is punishable with Suspension for three (3) academic days, for which he will incur absences. For the second offense, the offending student shall face dismissal or expulsion. In all cases, the student shall receive the lowest possible score in the graded work concerned.

These are very stringent guidelines, indeed. Sadly, no one seems to take these seriously. If we are to preserve PEN’s mission of preparing the students for global competitiveness, this matter must be addressed immediately and cogently.

For us students, on the other hand, we must start taking our schoolwork seriously. This is a way of preparing ourselves for the real world outside of the campus. When you are already an engineer or a computer programmer, you cannot expect to copy a blueprint or a source code and just get away with it: There are very serious consequences for offenses against intellectual property. As an accountant, you cannot rely on others to do your work for you. For a future teacher, you will serve as a role model for your future students. For a future policeman, you are to be an enforcer of the law and a protector of the people. College is simply the preparation for life, and the more you sweat in time of peace, the less you bleed in war.

Examination results will not dictate your success in the future. Your attitude in life will. So the next time you are tempted to cheat, remember that your actions today will resonate in the future. You carry not only your name but the name of your alma mater as well. Years from now, you will be able to pride yourself for not cheating even in the face of temptation. After all, we are PEN Students, and we can face the examinations with Integrity in all our haggard glory! Dan Kevin Roque

Class MASIKLAB 2014 goes forward

149 students from College of Criminology (COC) Class Mag-aaral na Sumisimbolo sa Ikauunlad ng Bayan (MASIKLAB) 2014 stepped up this September 26, 2013 at the AU Gymnasium.

The Leadership Award was bestowed upon Glory Ann T. Caldito, while Francis G. Perez is hailed the Best Team Leader. The Top Ten Outstanding Cadets were Jerome A.  Aban, Larafe P. Cailing, Ezra John A. Esguerra, Charlei S. Grospe, Helgin W. Lorena, Levie B. Manuzon, Carol A. Pacheco, Mica DC. Rombase, John Marvin G. Rudico, and Jeffrey O. Santos. Police Inspector Jonathan S. Romero of PNP Cabanatuan City Station was invited as the guest of honor and speaker. Rommel Ortaleza

Victorio dominates Marketing Pitch Competition

Junior Marketing Association’s Chief Executive Officer, Ms. Dhanna Khristina Victorio brought victory to Araullo University-PHINMA as she took home the championship in the annual Marketing Pitch Competition in which 37 schools participated, including ADMU, DLSU, SLU, and University of Pangasinan. The competition was held at University of Pangasinan last August 31 where employees from Manila Bulletin and MRN Marketing nationwide served as judges. Lhea Vergara

Mula sa Putik

Ayon sa isang creation myth, o alamat, ang tao ay nagmula sa putik na hinulma ng mga kamay ni Bathala, iniluto sa hurno, at binigyang buhay ng Kaniyang hininga. Ayon din rito, tayong mga Pilipino ang produkto ng tamang pagkakaluto.

Artistic interpretation of Mula sa Putik
Illustration by Jezzamine Garcia

Ayon sa isang creation myth, o alamat, ang tao ay nagmula sa putik na hinulma ng mga kamay ni Bathala, iniluto sa hurno, at binigyang buhay ng Kaniyang hininga. Ayon din rito, tayong mga Pilipino ang produkto ng tamang pagkakaluto.

Nitong nakaraang ika-16 hanggang ika-17 ng Agosto ay idinaos ang taunang ILAW Camp 4.0 (Inspire to Lead, Aspire to Win) ay iniluwal ang bagong lupon ng mga lider-kabataan sa ating Pamantasan at sila ay kinilala sa pangalang “Batch Putik”.

Campers after one activity that required them to roll on mud.
(Photo Credits to Abril Layad Ayroso)

Ang ILAW Camp ay isang proyekto ng CSDL na pinangasiwaan ng Pilipinas Natin katuwang ang AUSSG at ilan pang mga volunteer. Layunin nitong hubugin ang mga mag-aaral at ihanda ang bagong henerasyon ng mga lider-estudyante sa mga pagsubok na ibabato ng buhay. Itinuturing na ang ILAW ay ang bautismo ng apoy sa larangan ng pamumuno sa Araullo. Ilan sa mga lider na nagmula sa programang ito ay ang kasalukuyang Pangulo ng AUSSG na si G. William Villegas at ang Punong Patnugot ng ViewPoint na si G. Dan Kevin Roque.

Ilan sa mga aral ng ILAW ay nais naming ibahagi sa kapwa namin mag-aaral. Pangunahin na rito ang kultura ng pag-ibig at pagtanggap. Ang sabi sa ilang pag-aaral, ang isip raw ng tao ay likas na nakakiling sa negatibong mga bagay, at sa totoo lang, mas madali nga namang humanap ng kapintasan. Ngunit may nararating nga ba ang ganitong kaisipan? Bakit hindi sa halip na mamintas, tayo ay tumanggap? Sa halip na mamroblema, tayo ay magbigay-solusyon?

Ano ba talaga ang tatak ng isang mabisang pinuno? Nasusukat ba ito ng galing sa pagsasalita? Nakakatulong ba dito ang pagiging maganda o gwapo? May idadagdag ba ang talino sa bisa ng isang pinuno?

Ang mga nabanggit na katangian sa naunang talata, maganda man sa teorya ay walang gaanong kinalaman sa pamumuno. Pinakamahalaga sa mga pinuno ay hindi ang mukha, utak o boses, kundi ang puso.  Ang puso ng isang pinuno ay hindi kayang kalimutan ang kapwa nya estudyante. Ang bukas na puso ng isang pinuno ay kayang tanggapin ang sarili at ang kanyang kapwa, ano man ang mali sa kanyang mukha, utak o boses. Ang bukas na puso ay kayang iwaksi ang masamang nakasanayan.

Noon ngang nakaraang ika-6 ng Agosto, sa ginanap  na rekognisyon ng mga RSO, ay hinamon tayo ng Pangulo ng AUSSG na si G. Villegas na sa halip na tanungin natin kung ano ang magagawa ng ating paaralan para sa atin, itanong natin kung ano ang magagawa natin para sa ating Pamantasan.

May kasabihan nga: ad astra per aspera. Mula sa putik patungo sa mga tala. Ang mga negatibong nakagawian natin ay nagsisilbing putik na bahid sa ating pamumuno at nagkukubli sa ating tunay na kinang. Tayo na at magpanibagong-bihis. Nawa, tayo ang magsilbing mga ilaw para sa mga taong nakapaligid sa atin.

Malayo pa ang ating lakbayin. Mahirap ang mga landas na ating tatahakin. Mahina tayo. Maliit. Ngunit kung ating bubuksan an gating puso at sabay-sabay na kikilos, may pag-asa pang ating maibangon, hindi lang ang ating paaralan, kundi maging an gating Bayan mula sa putik nitong kinasasadlakan. Dan Kevin Roque

Gawad Bagwis Awardees

GAWAD BAGWIS

Patimpalak Pampanitikan

TULA

Bryan Joseph Peralta

Unang Gantimpala

Rouie Victoria Ramos

Ikalawang Gantimpala

Kelvin Ramos

Ikatlong Gantimpala

SANAYSAY

Ericson Padilla

Unang Gantimpala

Richard Raplh De Sixto
Ikalawang Gantimpala

Jervin Marasigan
Ikatlong Gantimpala

MAIKLING KWENTO

Luijim Jose
Unang Gantimpala

Eileen Maglanque
Ikalawang Gantimpala

Jan Del Rosario

Ikatlong Gantimpala

Mga bagong ILAW ng AU, nagliwanag

Campers listen attentively to one of the plenary session speakers.
Photo Credits to Marcelino Halili III

Humigit-kumulang 140 na bagong lider-estudyante ang haharap sa mga hamon ng buhay pagkatapos idaos ang ILAW Camp 4.0 (Inspire to Lead, Aspire to Win) nitong nakaraang Agosto 16 at 17.

Ang ILAW Camp ay pinangasiwaan ng Pilipinas Natin, katuwang ang CSDL, AUSSG, at  iba pang mga volunteer. Ayon sa tagapangasiwa ng camp na si Bb. Melanie Ang ng Pilipinas Natin, ang layon ng event na ito ay ang pagtuturo sa mga mag-aaral ng kahalagaan ng pagtanggap sa sarili at sa kapwa upang maging mabisang pinuno. Nilalayon din nitong buksan ang isip ng mga kalahok sa mga problema ng bansa, at ang pagpapakita ng maaari nilang gawin. Abril Layad Ayroso

Punongkahoy

Punongkahoy

Dan Kevin Roque

Ang iyong matitikas na mga braso

ay mga sangang inaabot ang langit

sa pagpupuri kay Bathala.

Ang iyong mga paa

ay mga ugat;

sa iyong nagpapatibay.

Nag-uugnay

sa dakilang pamana ng nakaraan.

Ang kalamnan ng iyong dibdib

ay patunay ng iyong paninindigan;

tanda ng mga unos

at sigwang pinagdaanan.

Ang iyong buhok

ay napalalamutian

ng mga bulaklak.

Dan Kevin Roque is a sophomore Bachelor of Arts, major in English student at Araullo University-PHINMA. He is also the Editor-in-Chief of Viewpoint, a Pamiyabe 2013 Fellow, and a recipient of the Gawad Emman Lacaba Special Citation for Poetry. He dedicates this poem to his friend, fellow writer, and comrade, Keypii Aguayon whom he met first met November 2012, in CEGP's Lunduyan Congress. This poem is a part of the Gawad Bagwis poetry series.

Nakalimutang Kahapon

Nakalimutang Kahapon

Pauline Joy Gelacio 

Ginapos na tinig’y

nagpupumilit,

nagpupumiglas,

nagmamakaawa,

gustong kumawala.

Aking mahal na ina’y umiiyak,

nagugugtom,

nauuhaw,

Hindi makahinga.

Hindi makasigaw.

Isinubo, nginuya,

Pagkatapos ay iluluwa.

Ito ba ang sinasabi mong

Tamang paggamit sa wika?

Kay bilis mong nakalimot,

pagsinta mo’y bakit nilumot?

Bakit sa tanikalang bakal

Ika’y nagpasakal!

Ikaw Pilipino!.

Kailan ka gigising?

Kailan ka babangon?

Sa’yong pagkalunod

Kailan ka aahon?

Pauline Joy Gelacio sophomore Bachelor of Secondary Education , major in English student at Araullo University-PHINMA. She is also the Feature Editor of Viewpoint. She dedicates this poem of hope for all the people who experienced adversities in life and survived, and for those who are still battling their demons. This is a part of the Gawad Bagwis poetry series