Piggy Bank

Ginulantang tayong lahat ng pinakamalaking isyu na sumampal sa lipunang Pilipino ngayong  taon, ang isyu ng Pork Barrel System at kung paano ito kinukurakot ng mga pulitiko. Napakaraming Pilipino ang nag-react sa isyung ito, ngunit ano nga ba ang Pork Barrel System? Para saan ba at ano nga ba ang mga silbi nito?

PORK BARREL by Jezzamine Garcia

Ang Gobyerno ng Pilipinas ay nahahati sa tatlo: Ehekutibo na pinamumunuan ng Pangulo, Lehislatura na binubuo ng Senate of the Philippines at House of Representatives, mas kilala sila sa tawag na mga Senador at Congressman, at ang huli ay ang Hudikatura na binubuo naman ng mga hukom. Bawat departamento ay may kanya-kanyang trabaho, ngunit dahil ang ating topic ay tungkol sa Pork Barrel, ang ating tatalakayin ay ang mga espisipikong kapangyarihan ng Lehislatibo at Ehekutibo na syang may malaking kinalaman sa pagbuo at pag-gastos ng Pork Barrel.

Taon taon ang ating Pangulo ay nagpapasa ng National Budget o General Appropriations Act (GAA), na s’yang nagtatalaga nang perang dapat gastusin ng gobyerno ng Pilipinas para sa naturang taon. Ang GAA ay sinusuri ng Lehislatura. Ang pagsusuri ay ginagawa upang malaman kung tama ang pag-a-allocate ng pangulo ng pera mula sa kaban ng bayan. Pagkayari ng pagsusuri ay ilalabas ang mga pondong ito sa pamamagitan ng Lump-sum appropriations, (paglalabas ng pondo ng hindi naka-itemize o nakatakda kung saan gagamitin) at ibibigay sa iba’t-ibang departamento. Ang mga departamento naman ang magde-desisyon kung paano nila ito gagastusin, na syang nagbibigay ng katangian disretionary sa ‘pork’. Ang Ehekutibo at Lehislatura ang may pinakamalalaking pork barrel na natatanggap taun-taon.

Ang isa sa pinag-uusapan ngayon ay ang Congressional pork barrel o ang Priority Development Assistance Fund (PDAF). Bawat senador ay nakakatanggap ng Php200 Million para sa kanyang pork barrel at Php70 Million naman para sa mga kinatawan. Ang milyon-milyong pisong ito ay mga perang dapat na gastusin sa kanilang constituencies o mga nasasakupan. Ngunit dahil sa anyo ng ‘pork’, ito ay madaling napapaikot at nananakaw. Bilyung-bilyon piso ang nawawala sa kaban ng bayan kada taon dahil naibubulsa lang ng mga kongresista. Hindi pa ‘yan ang pinakamalaking rebelasyon na dapat nating malaman. Ang PDAF ay walang sinabi sa Presidential Pork Barrel.

Barya lamang ito kung tutuusin. Kaya kung ikaw ay galit sa mga senador at congressmen  baka mas lalong uminit ang ulo mo pag nalaman mo na ang executive pork ay umaabot ng Php500 billion hanggang Php1.3 trillion. Ang ‘pork’ na ito ay dapat ginagamit sa mga bagay na gustong pagtuunang pansin ng Pangulo, pero nakapanlulumong isipin na ang pondong ito ay naitatago sa mata ng publiko. Halos imposibleng i-audit ang pondong ito sapagkat karamihan dito ay nakapaloob sa pondo ng mga departamento. Kakatwa na mayroong pondo militar na nakapaloob sa budget para sa edukasyon at kalusugan na naitatago sa pamamagitan ng maligoy na pagpapangalan.

Sa disenyo, mapapansin na ang pork barrel ay bukas sa korapsyon at medaling maabuso ng mga pulitikong nais magpayaman. Dahil dito, kami sa Viewpoint ay naniniwala na oras na para alisin ang dekadenteng sistemang ito sa bansa. VP

Latest Update

To date, the Supreme Court has declared the Priority Development Assistance Fund (PDAF) and part of the Special Presidential Fund (SPF) unconstitutional on Tuesday, November 19. President Aquino immediately went back to Manila after the high court issued its decision. The Supreme Court also decided to discontinue the release of PDAF for 2013 and should be returned to the government.

Before super typhoon Yolanda hit the country, the Senate Blue Ribbon Committee had Janet Lim-Napoles in the hot seat where she obviously denies any connection to lawmakers and PDAF scam.

The decision of the high court is a positive sign but campus journalists and the youth should remain watchful and vigilant. Aquino still has his P1.3-trillion Presidential Pork Barrel at his disposal. CEGP