Sa Liwanag

Sa Liwanag

Abril Layad Ayroso

Ilang toneladang lupa nga ba ang magbabaon

     sa mga pahina ng pahayagan?

Ilang buhay nga ba ang kanilang kayang utasin,

     at mawawala ng hindi

     napapansin?

Saksi ang buwan sa madugong paghalay

     ng mga gahaman sa dalagang karapatan.

Inaakala yata nila na ang karuwaga’y

     humihigit sa ating paninindigan.

Oo, lumilipas ang panahon.

Oo, madilim ang kalangitan; subalit tayo’y

    hindi titigil, tayo’y

    hindi papipigil

sa pagsulat at pagmulat ng mamamayan

     sa liwanag ng buwan, at

     sa liwanag ng sulo.

Punongkahoy

Punongkahoy

Dan Kevin Roque

Ang iyong matitikas na mga braso

ay mga sangang inaabot ang langit

sa pagpupuri kay Bathala.

Ang iyong mga paa

ay mga ugat;

sa iyong nagpapatibay.

Nag-uugnay

sa dakilang pamana ng nakaraan.

Ang kalamnan ng iyong dibdib

ay patunay ng iyong paninindigan;

tanda ng mga unos

at sigwang pinagdaanan.

Ang iyong buhok

ay napalalamutian

ng mga bulaklak.

Dan Kevin Roque is a sophomore Bachelor of Arts, major in English student at Araullo University-PHINMA. He is also the Editor-in-Chief of Viewpoint, a Pamiyabe 2013 Fellow, and a recipient of the Gawad Emman Lacaba Special Citation for Poetry. He dedicates this poem to his friend, fellow writer, and comrade, Keypii Aguayon whom he met first met November 2012, in CEGP's Lunduyan Congress. This poem is a part of the Gawad Bagwis poetry series.

Nakalimutang Kahapon

Nakalimutang Kahapon

Pauline Joy Gelacio 

Ginapos na tinig’y

nagpupumilit,

nagpupumiglas,

nagmamakaawa,

gustong kumawala.

Aking mahal na ina’y umiiyak,

nagugugtom,

nauuhaw,

Hindi makahinga.

Hindi makasigaw.

Isinubo, nginuya,

Pagkatapos ay iluluwa.

Ito ba ang sinasabi mong

Tamang paggamit sa wika?

Kay bilis mong nakalimot,

pagsinta mo’y bakit nilumot?

Bakit sa tanikalang bakal

Ika’y nagpasakal!

Ikaw Pilipino!.

Kailan ka gigising?

Kailan ka babangon?

Sa’yong pagkalunod

Kailan ka aahon?

Pauline Joy Gelacio sophomore Bachelor of Secondary Education , major in English student at Araullo University-PHINMA. She is also the Feature Editor of Viewpoint. She dedicates this poem of hope for all the people who experienced adversities in life and survived, and for those who are still battling their demons. This is a part of the Gawad Bagwis poetry series

Lahi ng Lipi

Lahi ng Lipi

Sweet Cel Dela Cruz

Ako ay isang Pilipino,

At Filipino ang wika ko,

Mula sa dila ng ninuno,

Isang wikang mahal kong buo.

Mahal kong wikang Filipino,

Ano ba maikukwento mo?

Anong hirap ba ang dinanas?

Upang ikaw ay maitaas?

O kay haba ng iyong kwento,

Kabiyak historyang Pilipino,

Dugo at pawis ang pumapatak,

Ikaw lama'y maipanganak.

Bagamat tayo'y inaapi,

Nawa'y wag tayong magpagapi,

Wag ipagpalit, ating wika,

Para sa dila ng banyaga.

Sweetcel is a sophomore Bachelor of Arts, major in English student at Araullo University-PHINMA. She is also the Managing Editor of Viewpoint. She dedicates this poem of hope for all the people who experienced adversities in life and survived, and for those who are still battling their demons. This is a part of the Gawad Bagwis poetry series.

Lasapin Ang Buhay

Lasapin Ang Buhay

Abril Layad Ayroso

Hinainan kita ng pag-ibig

Ika'y naalatan,

Ako'y tinalikuran.

Luha lamang ang iyong nalasahan.

Naghain ako ng rebolusyon

Ako'y hindi pinaniwalaan,

Lasa daw ay walang katuturan

Pagkat dugo lamang ang nagisnan.

Ipaghain ako ng kinabukasan

Ng aking mga magulang.

Ito'y dapat maalat, ang sabi

Pinatakan ng pawis ng pagpupursigi.

Minsa'y inisip kong magbigay

 Ng paghihiganti

Kanya ang pait ng katotothanan,

Akin ang tamis ng kasalanan.

Nais kong matikman, at ipatikim

Lahat ng mainam ng buhay

Hindi ito tungkol sa tama't mali

Ang mahalaga ay ang paglasap sa kinain.

Abril Layad Ayroso is a sophomore Bachelor of Arts major in English student in Araullo University-PHINMA and a staff writer of Viewpoint.

Bukang-Liwayway

Bukang-Liwayway

Dan Kevin Roque

Malamig ang lupa

sa ilalim ng aking mga paa,

mula sa pagkabasa sa ulan.

Kasabay ng pag-ahon

ng Haring Araw sa Silanganan

ang mga ibon

ay nagsipag-awitan.

Awit ng pag-asa;

humahaplos sa puso,

gumigising sa diwa.

     Sa umaga ang tula ay umuusbong

kasabay ng paglimot

sa pait ng kahapon.

Dan Kevin Roque is a sophomore Bachelor of Arts, major in English student at Araullo University-PHINMA. He is also the Editor-in-Chief of Viewpoint, a Pamiyabe 2013 Fellow, and a recipient of the Gawad Emman Lacaba Special Citation for Poetry. He dedicates this poem of hope for all the people who experienced adversities in life and survived, and for those who are still battling their demons. This is a part of the Gawad Bagwis poetry series.

“Unang Pag- ibig”

“Unang Pag- ibig”

Novabelle  Pascua

Minsan isang araw ako ay umibig

Tahimik kong puso’y iyong nabulabog

Hindi ko mawari itong aking damdamin

Na para bang sasabog sa lakas ng kabog

Ganito pala ang unang pag- ibig

Lahat gagawin mapansin ka lamang

Pangalan mong tunay sa pader isinulat

Wag sanang mabunyag sulat kong inilihim

Ngunit isang araw ako’y may nalaman

Mula sa aking kaibigang tunay

Ikaw din pala’y may pag sinta sa akin

Na nuon pama’y itinago sa amin

Hindi ko inasahang, ina ko’y hahadlang

Para bang pader na hindi na mabubuwag

Oh. .kay hirap ng ganitong kalagayan

Para bang gusto ko nang mawalang lubusan

Inalis kong pilit sa aking isipan

Hapdi at kirot nitong pusong sinugatan

Nagsilbing bangungot, patawad kong binitawan

Mga ala- ala ng “una kong Pag- ibig”

Novabelle Pascua is a sophomore BS Civil Engineering student in Araullo University-PHINMA and a staff writer of Viewpoint.