Victorio dominates Marketing Pitch Competition

Junior Marketing Association’s Chief Executive Officer, Ms. Dhanna Khristina Victorio brought victory to Araullo University-PHINMA as she took home the championship in the annual Marketing Pitch Competition in which 37 schools participated, including ADMU, DLSU, SLU, and University of Pangasinan. The competition was held at University of Pangasinan last August 31 where employees from Manila Bulletin and MRN Marketing nationwide served as judges. Lhea Vergara

HRM at Tourism students, nagkaisa

Sama-samang ipinahayag ng Hotel and Tourism Management Society (HTMS@AU) na binubuo ng mga mag-aaral ng BS Hotel and Restaurant Management, at Bs Tourism Management, ang kanilang pagnanais matamo ng global competitiveness sa kanilang isinagawang General Assembly na may temang “HTMS@AU-PHINMA: Aim High. Be globally competitive” nitong nakaraang ika-8 ng Agosto. Sina G. Julius Sta Maria mula sa Nueva Ecija Assessor’s Association, at Bb. Vanessa V. Jopillo ng Planes and Places Travel Services ang mga nagsilbing panauhing pandangal sa nasabing pagtitipon. Lhea Vergara

Piringang Mata

Piringang Mata

 Lhea Vergara

Paano masisilip ang ginintuang pag-asa

 Kung pilit kinukubli ang ating mga mata 

Pinipiringang wari sa maling adhika

 At nagpapakalunod sa linsil na nasa

Makakamit natin ang tugatog ng tagumpay

 Kung ang bulaos na tuwid ating isasabay

 Mga buktot na gawi'y ibaon na sa lupa

 At matutong tumindig sa mali at sala

Huwag nang maghintay sa putok ng hudyat

 Kailangan ang pagkilos na pag-asa ang buhat

 Kaya't itong kaisipan na nagiging pahat

 Huwag na huwag magpalukom sa buyo na kalat

Tayo nang simulan ating unang hakbang

 Isayad ang paa, hawanin ang hadlang

 Piring sa mga mata'y, atin nang watasan.

 At masdan ang pagbangon nitong ating bayan Ikaw

 Pilipino! OO ikaw na nga,

 Dapat kang magsilbi't bumangon ng kusa,

 'Pagkat pagbabagong nais ma'y hindi iba ang paggawa,

 Kundi ikaw mismo na nagbukas ng mata't pang-unawa.

Lhea Vergara is a freshman Bachelor in Secondary Education, major in English student in Araullo University-PHINMA and is a staff writer of Viewpoint.

Asembliya ng JMA-AU, ginanap

Muling nagtipun-tipon ang Junior Marketing Association (JMA) AU-PHINMA upang magsagawa ng kanilang taunang Pangkalahatang Pulong nitong nakaraang Agosto 1 na ginanap sa gymnasium ng Araullo University sa pangunguna ni G. Jann Mark M. Estremera. Ang tampok ng nasabing pagpupulong ay ang paglilipat ng responsibilidad mula sa nakaraang pamunuan tungo sa kasalukuyang pamunuan na pinangungunahan ni Bb. Dhanna Victorio.

Layunin ng asembliya na maipakita ang kanilang taos-pusong pagtanggap sa mga bagong miyembro ng JMA-AU at magbigay karangalan sa mga dean’s listers na nasa organisasyon. Inihayag din ng mga opisyal ng JMA ang kanilang plano para sa taong ito.

Dinaluhan ito ni G. Emmanuel N. Santos, ang program director ng Sales Academy of the Vista Center for Professionals, na nagbigay ng mensahe para sa mga Marketing students. Lhea Vergara

JPIA nagtipon para sa Assembly

Officers pose for a photo during the Annual General Assembly
Photo Credits to JPIA-AU

Ang Junior Philippines Institute of Accountants AU-PHINMA Chapter (JPIA-AU) ay naglunsad ng kanilang Pangkatang Pagpupulong na may temang “JPIA AU-PHINMA: Activating Untapped Potentials” nitong nakaraang ika-30 ng Hulyo.

Layunin ng nasabing pagpupulong na maipakilala ang mga opisyal ng kanilang organisasyon para sa taong ito, at maipakita ang kanilang pagtanggap sa mga bagong miyembro ng JPIA. Ang asembliyang ay dinaluhan ni Bb. Tecsie I. Sotto na siyang nagsilbing panauhing pandangal. Lhea Vergara